Wednesday, December 2, 2020
Online Awaj > समचार > वडाध्यक्ष खत्रीले नै मुग्रातीमाथि दुव्र्यवहार गरेको खुलासा

वडाध्यक्ष खत्रीले नै मुग्रातीमाथि दुव्र्यवहार गरेको खुलासा

सांकेतिक तस्विर ।

पुस २१ सोमवार,२०७६
खोटाङ । काका भतिजबीचको लेनदेनको विषयमा उत्पन्न विवाद समाधानका लागि छलफल गराउनेक्रममा खोटाङको दिप्रुङ चुईचुम्मा गाउँपालिका–२ डाँडागाउँका वडाध्यक्ष भीमबहादुर खत्रीले अर्जुन मुग्रातीमाथि दुव्र्यवहार गरेको खुलासा भएको छ । मुग्रातीले आफूमाथि हातपात र दुव्र्यवहार गरेको बताएका वडाध्यक्षले पहिला अर्जुनमाथि नै दुव्र्यवहार गरेको खुलासा भएको हो ।

काका श्याम मुग्राती र भतिज अर्जुन मुग्रातीबीच लेनदेनको विषयमा विवाद भएको र विवाद मिलाउनका लागि छलफल गराउनेक्रममा अर्जुनले वडाध्यक्षमाथि मुक्का हानेको समाचार बाहिरिएपनि अन्ततः अर्जुनलाई कार्यकक्षबाटै गल्हत्याएर, हात र लात्तीले हानेर कार्यकक्षबाट आफूले बाहिर निकालेकोे सार्वजनिक भएको भिडियोमा वडाध्यक्षले वोलेका छन् ।

वडाध्यक्षले अर्जुनलाई बाहिर घोक्र्याएर निकाल्नेक्रममा अर्जुनले वडाध्यक्षको हात खुस्काउन खोज्दा वडाध्यक्षको नाकमा लागेको एक श्रोतले बताएको छ । आफूमाथि मुक्का प्रहार गरेको आरोप लगाउदै ३० वर्षीय अर्जुनविरुद्ध अभद्र व्यवहार गरेको भन्दै वडाध्यक्षले जिल्ला प्रहरी कार्यालयमा जाहेरी दिएका छन् ।

अर्जुनले आफूमाथि मुक्का प्रहार गरेको वडाध्यक्ष खत्रीले बताउँदै आएपनि वडाध्यक्षले अर्जुनमाथि पहिला दुव्र्यवहार गरेको सार्वजनिक भएको भिडियोमा पाईएको छ ।

वडाध्यक्षले व्यक्तिगत रुपमा वडा कार्यालयबाट  अर्जुनविरुद्ध जाहेरी दिएपछि मुद्धा दर्ता गरेर म्याद थप गरि अनुसन्धान सुरु गरिएको जिल्ला प्रहरी कार्यालय खोटाङका प्रहरी नावय उपरिक्षक बामदेव गौतमले जानकारी दिए । वडाध्यक्षले अर्जुनमाथि दुव्र्यवहार गरेको वा अर्जुनले वडाध्यक्षमाथि दुव्र्यवहार गरेको भन्ने विषयमा अनुसन्धान गरि कसको गल्ती हो प्रमाणको आधारमा कार्वाही गरिने प्रनाउ गौतमले जानकारी दिए ।

Leave a Reply

Your email address will not be published. Required fields are marked *